Photo Gallery

🏆🇳🇵 नेपाली महिला भलिबल टिम च्याम्पियन ! 🇳🇵🏆

Aug 22, 2026

🏆🇳🇵 नेपाली महिला भलिबल टिम च्याम्पियन ! 🇳🇵🏆

हार्दिक बधाई तथा शुभकामना !

Workers Support and Insurance Fund (WISF) द्वारा आयोजित Community Friendly Women’s Volleyball Game 2026 प्रतियोगितामा गैरआवासीय नेपाली संघ (NRNA), राष्ट्रिय समन्वय परिषद् कतार, खेलकुद विभाग अन्तर्गतको नेपाली महिला भलिबल टिमले उत्कृष्ट प्रदर्शन गर्दै च्याम्पियन बन्न सफल भएकोमा सम्पूर्ण खेलाडीहरु, प्रशिक्षक तथा व्यवस्थापन टोलीमा हार्दिक बधाई तथा शुभकामना व्यक्त गर्दछौं।

विभिन्न देशका महिला भलिबल टिमहरूको सहभागिता रहेको यस प्रतियोगितामा नेपाली टिमले सुरुदेखि नै उत्कृष्ट खेल प्रदर्शन गर्दै सेमिफाइनलमा फिलिपिन्स ‘A’ टिमलाई पराजित गरी फाइनलमा प्रवेश गरेको थियो। फाइनलमा समेत उत्कृष्ट प्रदर्शन गर्दै फिलिपिन्स ‘B’ टिमलाई शानदार रूपमा पराजित गरी प्रतियोगिताको उपाधि आफ्नो नाममा लेखाउन सफल भएको हो।

यस ऐतिहासिक सफलताका लागि द्वितीय स्थान हासिल गर्ने फिलिपिन्स ‘B’ टिम तथा तृतीय स्थान हासिल गर्ने ट्युनिसिया टिमलाई हार्दिक बधाई व्यक्त गर्दछौं। साथै, प्रतियोगितामा सहभागी सम्पूर्ण देशका टिम, खेलाडी, प्रशिक्षक, आयोजक तथा सम्बन्धित सबैप्रति हार्दिक आभार र सम्मान व्यक्त गर्दछौं।

नेपाली महिला भलिबल टिमको यो सफलता केवल एउटा प्रतियोगिताको उपाधि मात्र होइन, मेहनत, अनुशासन, निरन्तर अभ्यास, आत्मविश्वास, एकता, समर्पण र उत्कृष्ट टिम भावनाको परिणाम हो। यस विजयले कतारमा रहेका सम्पूर्ण नेपाली समुदायलाई गौरवान्वित बनाउँदै नेपाली खेलकुदको सम्भावना र सामर्थ्यलाई समेत थप उजागर गरेको छ।

यस उपाधि प्राप्त गर्ने यात्रामा खेल अवधिभर प्रत्यक्ष तथा अप्रत्यक्ष रूपमा सहयोग, हौसला, साथ र समर्थन प्रदान गर्नुहुने विभिन्न संघ–संस्था, बुद्धिजीवी, विद्वान, समाजसेवी, व्यवसायी, पत्रकारज्यूहरू, खेलप्रेमी महानुभावहरू तथा स्वस्फूर्त रूपमा सहयोगी भावना लिएर साथ दिनुहुने सम्पूर्ण सहयोगी मनहरूप्रति गैरआवासीय नेपाली संघ (NRNA), राष्ट्रिय समन्वय परिषद् कतार, खेलकुद विभागको तर्फबाट हार्दिक धन्यवाद तथा गहिरो आभार व्यक्त गर्दछौं।

विशेषगरी, खेलाडीहरूको मनोबल उच्च राख्न निरन्तर साथ, हौसला र सहयोग प्रदान गर्नुहुने सम्पूर्ण नेपाली दाजुभाइ तथा दिदीबहिनीहरूको योगदानप्रति उच्च सम्मान व्यक्त गर्दछौं। यो उपाधि नेपाली महिला खेलाडीहरूको मात्र नभई सम्पूर्ण नेपाली समुदायको सामूहिक गौरव र सफलता हो।

सम्पूर्ण नेपाली समुदायको शिर उच्च पार्ने यस ऐतिहासिक सफलताका लागि नेपाली महिला भलिबल टिमका सम्पूर्ण खेलाडी, प्रशिक्षक तथा व्यवस्थापन टोलीलाई पुनः हार्दिक बधाई तथा आगामी दिनमा अझ उत्कृष्ट सफलता हासिल गर्न हार्दिक शुभकामना व्यक्त गर्दछौं।

राजन चापागाईं संयोजक गैरआवासीय नेपाली संघ (NRNA)
राष्ट्रिय समन्वय परिषद् कतार
खेलकुद विभाग ।

More Notice,Photo Gallery,News,Sports & Culture

हार्दिक बधाई तथा शुभकामना Aug 15, 2026

https://s.thepeninsula.qa/nbmrim Nepali Community Condolence Assembly Jul 18, 2026

बृहत् रक्तदान कार्यक्रम-2026 Jun 16, 2026